ياللي في صدقك تكذبي

يا كاعب الطبع الفريد

كيد انسجن منه نبي

يا أقدم الكيد الجديد 

يا مقيده تسبي سبي

يا جاريه تملك عبيد 

وسلاحك الدمع اسكبي

القوه في ضعفك تبيد 

الكهل يصبك بك صبي

ما يعجزك قاسي عنيد 

ويصدقك هذا الغبي

ينصاد ويظن انه يصيد 

 ما يدري انك تلعبي

ويظن انه الفذ الوحيد 

ظنك بوصله ترغبي

مسكين هالجاهل بليد 

وان صد عنك تقربي

ان جاك اقفيني بعيد 

في حيرتك تتقلبي

وان شفتي اخلاصه يزيد 

 من هالسعاده تغضبي

وان بان لك فجأه سعيد 

وطاوعك تستغربي

وان قلتي عني لا تحيد 

وغاب عنك تندبي

وان قلتي فراقك أريد 

يا حاير بطبع الظبي

ياطالب الراي السديد 

وابعد من المجد الأبي

أقرب من حبال الوريد 

واخفى من النمله دبي

وأوضح من أنوار تقيد 

وغموضها به تختبي

الشك فيها الأكيد 

الغدر شيمة مذهبي

شف فعلها يحكي ويعيد 

والمكر صافي مشربي

زادي النكد به استزيد 

 والبعض يحبيلي حبي

البعض ينصاني مجيد 

يا ليت اعرف مأربي

ضعفي قوي وذلي عتيد 

تلقى طلبك ومطلبي

شف فعلها برجل شديد 

وتاخذ جميع اللي تبي

تعطيه بعض اللي يريد 

كل النساء بكوكبي

أستثني من هذا القصيد